Sancho, Sesko, Mac Allister, Ten Hag, Raya og fleiri góðir koma við sögu
banner
   fim 18. apríl 2024 22:31
Jóhann Þór Hólmgrímsson
Svona eru undanúrslitin í Evrópudeildinni og Sambandsdeildinni
Roma vann fyrstu Sambandsdeildarkeppina tímabilið 2021/22 undir stjórn Mourinho
Roma vann fyrstu Sambandsdeildarkeppina tímabilið 2021/22 undir stjórn Mourinho
Mynd: Getty Images

Átta liða úrslitin í Evrópudeildinni og Sambandsdeildinni fóru fram í kvöld.


Aðeins eitt enskt félag er eftir í Evrópukeppnunum í ár en Liverpool og West Ham féllu úr leik í Evrópudeildinni í kvöld. West Ham er ríkjandi meistari í Sambandsdeildinni.

Aston Villa er eina liðið sem er eftir en liðið lagði Hákon Arnar Haraldsson og félaga í Lille eftir vítaspyrnukeppni í Sambandsdeildinni. Aston Villa mætir Olympiakos sem vann Fenerbache einnig í vítaspyrnukeppni.

Í hinum undanúrslitaleiknum mætast Fiorentina og Club Brugge.

Í Evrópudeildinni mætast Marseille og Atalanta sem sló Liverpool úr leik þrátt fyrir tap en liðið fór illa með Liverpool á Anfield í síðustu viku. Roma og Leverkusen mætast í hinum undanúrslitaleiknum.

Leverkusen á möguleika á að vinna annan stóra titilinn á þessari leiktíð eftir að hafa orðið þýskur meistari um síðustu helgi en liðið lagði West Ham í átta liða úrslitum á meðan Roma vann landa sína í AC Milan.

Undanúrslitin fara fram 2. og 9. maí.

Evrópudeildin
Marseille - Atalanta
Roma - Leverkusen

Sambandsdeildin
Aston Villa - Olympiakos
Fiorentina - Club Brugge


Athugasemdir
banner
banner
banner