Dagný Brynjarsdóttir bar fyrirliðabandið hjá West Ham sem lagði Everton að velli í fyrstu umferð ensku kvennadeildarinnar.
West Ham vann leikinn 1-0, hálfgerð speglun á karlaleiknum sem fór fram í dag þar sem Everton vann 1-0 á heimavelli.
Lisa Evans gerði eina mark leiksins og var Dagný á vellinum allan leiktímann.
Tottenham lagði Leicester að velli í dag og Aston Villa hafði betur gegn stórliði Manchester City. Merkileg úrslit þar á bæ.
West Ham 1 - 0 Everton
1-0 Lisa Evans ('45)
Í Noregi skoraði Ingibjörg Sigurðardóttir í stórsigri Vålerenga gegn Stabæk. Vålerenga er í þriðja sæti á lokahnykk norsku deildarinnar, fimm stigum eftir toppliði Brann.
Þá átti Berglind Rós Ágústsdóttir mark og stoðsendingu í stórsigri Örebro gegn AIK í sænsku deildinni. Örebro siglir lygnan sjó þar með 27 stig eftir 20 umferðir.
Að lokum var Guðný Árnadóttir í byrjunarliði AC Milan sem lagði Sassuolo að velli. Þetta er fyrsti sigur Milan á tímabilinu eftir tapleiki í fyrstu tveimur umferðunum.
Stabæk 0 - 5 Vålerenga
Örebro 5 - 1 AIK
Milan 3 - 1 Sassuolo