Son: Ótrúlega sorglegt og ætti aldrei að gerast aftur

Son tókst ekki að bæta fjórða marki heimamanna við og refsuðu gestirnir á lokakaflanum. Hamrarnir náðu að skora þrjú mörk og jafna á síðustu mínútunum. Hann var miður sín að leikslokum.

„Strákarnir eru miður sín. Við áttum skilið að fá þrjú stig og spiluðum mjög vel allt þar til á síðustu tíu mínútunum. Þetta er sjokkerandi tap fyrir okkur en svona er fótboltinn," sagði Son.

„Við verðum að halda einbeitingu þar til dómarinn flautar af. Þetta er góð lexía fyrir okkur, við viljum aldrei lenda í þessu aftur. Við stjórnuðum þessum leik, það má ekki tapa stigum eftir að hafa komist þremur mörkum yfir á heimavelli. Þetta er ótrúlega sorglegt og ætti aldrei að gerast aftur.

„Ég veit ekki hvað annað ég get sagt, ég er mjög sorgmæddur. Mér líður eins og við höfum tapað. Þetta eru mikilvæg stig sem við töpuðum. Við spiluðum frábærlega."

Tottenham er með átta stig eftir fimm umferðir. Son er búinn að vera í algjöru lykilhlutverki ásamt Harry Kane.