Það er enginn markvörður í ensku úrvalsdeildinni betri í að verja skot í dag en Edouard Mendy sem leikur með Chelsea.
Mendy átti stórleik fyrir Chelsea í gær gegn Brentford en hans menn unnu 1-0 sigur og geta þakkað þessum fyrrum markmanni Rennes fyrir það.
Brad Friedel, fyrrum markvörður Blackburn og Tottenham, er á því máli að Mendy sé í dag vanmetnasti markvörðurinn sem spilar í úrvalsdeildinni.
„Það er enginn betri í að verja skot en hann. Hann er vanmetnasti markvörðurinn þessa stundina. Það ríkir líka ákveðin óvissa með hann þar sem þetta er hans annað tímabil á Englandi,“ sagði Friedel.
„Það voru ekki margir sem vissu mikið um hann þegar hann kom frá Renens, hann hélt hreinu í 16 deildarleikjum af 31 á síðustu leiktíð.“
„Hann spilaði stórt hlutverk hjá Chelsea í Meistaradeildinni og jafnaði þar met með því að halda hreinu níu sinnum í keppninni.“
Athugasemdir