Gleðilegan sunnudaginn. Það er leikið í spænsku úrvalsdeildinni, La Liga, í dag og verða fimm leikir spilaðir.

Dagurinn er tekinn snemma og er fyrsti leikurinn klukkan 11:00 á sólríku eyjunni Mallorca. Heimamenn taka þar á móti Valencia í leik sem verður í beinni útsendingu á Stöð 2 Sport 2.

Real Betis mætir Martin Ödegaard og félögum í Real Sociedad, og þá mætir Villarreal liði Espanyol.

Athletic Bilbao og Celta Vigo eigast við klukkan 17:30, en síðasti leikur dagsins er í meira lagi áhugaverður. Þá fær Barcelona lið Granada í heimsókn. Leikurinn er áhugaverður vegna þess að þetta er fyrsti leikur Quique Setien með Barcelona.

Setien var ráðinn til Barcelona síðastliðinn mánudag eftir að Ernesto Valverde var rekinn. Setien er 61 árs gamall Spánverji fæddur í Santander. Sem leikmaður lék hann með Racing, Atletico, Logrones og Levante. Þá lék hann þrjá landsleiki.

Sem stjóri hefur hann verið hjá Racing, Poli Ejido, þjálfað landslið Miðbaugs-Gíneu, Logrones, Lugo, Las Palmas og síðast Real Betis en þaðan var hann rekinn síðasta sumar.

sunnudagur 19. janúar
11:00 Mallorca - Valencia (Stöð 2 Sport 2)
13:00 Real Betis - Real Sociedad
15:00 Villarreal - Espanyol
17:30 Athletic Bilbao - Celta Vigo (Stöð 2 Sport 2)
20:00 Barcelona - Granada (Stöð 2 Sport 2)

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit