Sonný lagði hanskana á hilluna á dögunum.
„Við erum ekki að leita að markmanni og höfum ekki einu sinni horft í það," sagði Þorsteinn Halldórsson, þjálfari kvennaliðs Breiðabliks, í samtali við Fótbolta.net í dag.
Sonný Lára Þráinsdóttir hefur staðið á milli stanganna hjá Íslandsmeisturum Breiðabliks undanfarin ár en hún lagði hanskana á hilluna á dögunum.
Íris Dögg Gunnarsdóttir var varamarkvörður Breiðabliks í sumar en Ásta Vigdís Guðlaugsdóttir var í láni hjá Keflavík og Telma Ívarsdóttir hjá FH.
„Við erum búin að undirbúa það í einhvern tíma að vera klár með markmann. Við erum með Telmu Ívars og Ástu Vigdísi og svo er Íris líka hjá okkur. Við erum ekki í vandræðum. Við höfum verið að undirbúa framtíðina með þessum leikmönnum," sagði Þorsteinn.
Sjá einnig:
Þorsteinn brattur þrátt fyrir blóðtöku - Stefnan áfram sett á titilinn
Ásta Vigdís Guðlaugsdóttir
Telma Ívarsdóttir
Íris Dögg Gunnarsdóttir
Athugasemdir
