Í markinu er hinn ungi og efnilegi Hákon Rafn Valdimarsson sem var stórkostlegur í marki Gróttu í markalausu jafntefli liðsins gegn Fjölni í toppbaráttuslag umferðarinnar. Þá er miðvörður Gróttu, Arnar Þór Helgason í liði umferðarinnar í fimmta sinn í sumar.

Fram vann 2-0 sigur á Njarðvík í Safamýrinni í fyrsta leik 17. umferðarinnar. Besti leikmaður vallarins var varnarmaðurinn, Marcao sem er eini fulltrúi Fram í liði umferðarinnar.

Haukar fóru norður í Þorpið og náðu þar í eitt stig eftir að Þór jafnaði metin úr vítaspyrnu rétt fyrir leikslok. Aron Freyr Róbertsson leikmaður Hauka var besti leikmaður vallarins.

Leiknir heldur áfram að hala inn stigum og liðið vann Þrótt 2-1 í Breiðholtinu. Þeir eiga tvo fulltrúa í liði umferðarinnar. Þá, Nacho Heras í vörninni og Erni Bjarnason á miðjunni sem skoraði sigurmark Leiknis í leiknum rétt fyrir leikslok.

Að lokum eru það Keflvíkingarnir tveir þeir, Magnús Þór Magnússon og Dagur Ingi Valsson sem eru í liði umferðarinnar en þeir fóru fyrir liði Keflavíkur í sigri liðsins gegn Víkingi Ólafsvík á heimavelli.

Sjá fyrri lið umferðarinnar:
Lið 16. umferðar
Lið 15. umferðar
Lið 14. umferðar
Lið 13. umferðar
Lið 12. umferðar
Lið 11. umferðar
Lið 10. umferðar
Lið 9. umferðar
Lið 8. umferðar
Lið 7. umferðar
Lið 6. umferðar
Lið 5. umferðar
Lið 4. umferðar
Lið 3. umferðar
Lið 2. umferðar
Lið 1. umferðar