Umfjöllun Vísis um fall KR árið 1977,
KR gæti fallið úr Bestu deildinni á sunnudag. Ef liðið tapar á Meistaravöllum gegn ÍBV verða örlög liðsins ráðin og jafntefli gæti ekki nægt.
KR hefur aðeins einu sinni fallið úr efstu deild en það var sumarið 1977. KR hefur verið lengst allra núverandi félaga í efstu deild.
Athyglisvert er að örlög KR 1977 réðust eftir 1-2 tap, einmitt gegn ÍBV, á Laugardalsvelli 4. ágúst það ár. Liðið átti reyndar enn tölfræðilega möguleika á að forðast fall en alls ekki raunhæfa.
KR hefur aðeins einu sinni fallið úr efstu deild en það var sumarið 1977. KR hefur verið lengst allra núverandi félaga í efstu deild.
Athyglisvert er að örlög KR 1977 réðust eftir 1-2 tap, einmitt gegn ÍBV, á Laugardalsvelli 4. ágúst það ár. Liðið átti reyndar enn tölfræðilega möguleika á að forðast fall en alls ekki raunhæfa.
„Sannast að segja má nú telja það fullvíst að liðið falli, þótt enn sé að vísu fræðilegur möguleiki á að það haldi sér uppi, en þá verður ýmislegt að breytast. Í fyrsta lagi verða leikmenn liðsins að sýna meiri vilja til þess að forðast fallið, meiri baráttu, og svo mega heilladísirnar heldur betur snúast á sveif með liðinu," sagði í umfjöllun Vísis.
„Áhugaleysi var það sem einkenndi liðin. Ef til vill skiljanlegt mð Eyjamenn sem hafa eflaust verið með hugann við þjóðhátíðina sumir hverjir en með öllu óskiljanlegt með KR-ingana sem ef allt væri með fulldu berðust sem einn maður fyrir tilveru sinni í hópi bestu knattspyrnuliða landsins."
Fallvofan hefur lagzt sem mara yfir leikmenn
„Vesturbæjarliðið KR er nú á þröskuldi falls í 2. deild - hyldýpi 2. deildar blasir við eftir ósigur gegn ÍBV á Laugardalsleikvangi í gærkvöld, 1-2. KR hafði ekkert fram að færa - ekkert, ekki einu sinni baráttu," sagði í umfjöllun Dagblaðsins.
„Fallvofan hefur lagzt sem mara yfir leikmenn og dregið allan móð úr þeim í stað þess að þjappa þeim saman og berjast fyrir sætinu í 1. deild. Vissulega er KR að baki öðrum liðum 1. deildar hvað getu snertir. Liðið er að stofni ungt og engin ástæða til að óttast að fall sem slíkt sé endir á veldi KR."
„Hinir ungu leikmenn munu vonandi aftur fá móðinn - og koma tvíefldir til leiks í 1. deild. En það þarf meira til - stjórnanda, skipuleggjanda. Slíkur leikmaður er ekki til í liðinu og veikasti hlekkur liðsins, miðjan, er hin slakasta í 1. deild, utan ef til vill Þórs. Þar, ásamt ákaflega slakri markvörzlu, hefur meinið öðru fremur legið."
„Nöglunum fjölgar í líkkistu KR-inga" var fyrirsögn Vísis eftir tapið gegn ÍBV. Seinna í ágústmánuði var svo fallið staðfest eftir jafntefli gegn FH. Fyrirsögnin þá var: „FH festi lokið á kistu KR-inga".
Englendingurinn Tom Cazie þjálfaði KR-inga þegar þeir féllu 1977 en Magnús Jónatansson tók svo við liðinu. KR-ingar voru eitt ár í B-deildinni og enduðu svo í fimmta sæti efstu deildar 1979.
Umfjöllun Dagblaðsins 1977.
Athugasemdir
