Ef Breiðablik slær út dönsku meistarana mun liðið fara áfram í 8-liða úrslit sem verða svo spiluð í febrúar. Sigurvegarinn úr einvíginu mætir sigurvegaranum úr einvígi BK Häcken og Inter Milan.

Einnig var dregið í undanúrslitin og eru fjórir andstæðingar sem kæmu þar til greina: PSV, Einracht Frankfurt, Nordsjælland eða ZNK Mura.

Það verða tveir úrslitaleikir í keppninni, spilað heima og að heiman. Fyrri leikurinn 25. eða 26. apríl og svo verður seinni úrslitaleikurinn 2. eða 3. maí.

Í 16-liða úrslitunum verður Íslendingaslagur, landsliðsmarkvarðaslagur, þegar sænska liðið Häcken, með Fanneyju Ingu Birkisdóttur innanborðs, mætir ítalska liðinu Inter þar sem þær Cecilía Rán Rúnarsdóttir og Karólína Lea Vilhjálmsdóttir spila.

Vigdís Lilja Kristjánsdóttir og stöllur hennar í Anderlecht mæta austurríska liðinu Austria Vín. Hin unga Rebekka Sif Brynjarsdóttir er svo á mála hjá Nordsjælland sem mætir ZNK Mura.

16-liða úrslitin
AFC Ajax (NED) - Hammarby IF (SWE)
Glasgow City FC (SCO) - Sporting Clube de Portugal (POR)
RSC Anderlecht (BEL) - FK Austria Wien (AUT)
AC Sparta Praha (CZE) - BSC Young Boys (SUI)
BK Häcken FF (SWE) - FC Internazionale Milano (ITA)
Breidablik (ISL) - Fortuna Hjørring (DEN)
FC Nordsjælland (DEN) - ŽNK Mura (SVN)
PSV Eindhoven Vrouwen (NED) - Eintracht Frankfurt (GER)