Siggi Höskulds
„Svekktur að fá ekki þrjú stig. Mér fannst við stjórna þessum leik frá A-Ö og á mörgum köflum spila frábærlega. Ofboðslega svekktur með færanýtinguna, það er ótrúlegt að við höfum ekki skorað og gjörsamlega ótrúlegt að við fáum ekki allavega tvö víti í dag. Ég er svekktur en ofboðslega stoltur af frammistöðunni," sagði Sigurður Heiðar Höskuldsson, þjálfari Leiknis, eftir tap gegn Keflavík í dag.
Lestu um leikinn: Leiknir R. 0 - 1 Keflavík
„Já, bara 100% [áttum við að fá tvær vítaspyrnur]. Þeir eru búnir að segja það sjálfir Keflvíkingarnir. Dómararnir gera mistök eins og við og það er bara þannig. Þetta er bara svekkjandi," sagði Siggi.
Síðasti leikur gegn ÍA var ekki góður hjá Leikni. Náði Siggi að rífa menn í gang?
„Já, þetta var allt önnur holning á liðinu í þessum leik og ákefðin mikið betri, hugarfarið frábært og menn ætluðu sér svo sannarlega að vinna þennan leik. Svekkjandi að vinna ekki og mér fannst þetta frammistaða sem endurspeglar tímabilið hjá okkur, við erum búnir að vera góðir og erum ofboðslega stoltir hvernig þetta sumar hefur gengið. Bara svekkjandi að ná ekki þessum sigri hérna í lokin," sagði Siggi.
Í seinni hluta tímabilsins var hann spurður út í Jón Hrafn, Manga Escobar og Mána Austmann. Hann var svo spurður út í síðustu umferðin og að lokum um hvort Brynjar Hlöðversson átti að fá rautt spjald.
Viðtalið í heild má sjá í spilaranum að ofan
