Jón Daði Böðvarsson og hans menn í Bolton Wanderers unnu 2-1 sigur á Cambridge United í ensku C-deildinni í kvöld.
Selfyssingurinn hefur verið að fá tækifæri inn af bekknum undanfarið og nýtt vel.
Hann skoraði tvö mikilvæg mörk í síðustu tveimur leikjum sem færði liðinu fjögur stig.
Því fékk hann tækifæri í byrjunarliðinu í kvöld og nýtti það ágætlega en á meðan hann var á vellinum skoraði Bolton bæði mörk sín.
Jón Daði fór af velli þegar rúmar tíu mínútur voru eftir af leiknum.
Bolton er 3. sæti C-deildarinnar með 66 stig. Liðið er með jafnmörg stig og Derby sem situr í öðru sæti, sem gefur beint sæti upp í B-deildina.
Athugasemdir
