Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   mán 20. mars 2023 16:57
Guðmundur Aðalsteinn Ásgeirsson
„Ég verð illa svikinn ef hún getur ekki skorað í Bestu deildinni"
Linli Tu í leik á síðasta tímabili.
Linli Tu í leik á síðasta tímabili.
Mynd: Fótbolti.net - J.L.
Keflavík er með einn mest spennandi leikmanninn í Bestu deild kvenna í sínum röðum. Kínverska vonarstjarnan Linli Tu gekk í raðir Keflavíkur eftir síðustu leiktíð.

Hún kom til félagsins frá Fjarðab/Hetti/Leikni en þar var hún frábær í Lengjudeildinni á síðasta tímabili. Hún var klárlega einn besti leikmaður deildarinnar og endaði markahæst með 16 mörk.

Linli Tu á að baki leiki fyrir bæði U17 og U20 ára landslið Kína. Hún mun nú taka næsta skref og spila í Bestu deildinni í sumar en rætt var um hana í Heimavellinum á dögunum.

„Ég er spenntastur að sjá Linli Tu sem kemur frá Fjarðab/Hetti/Leikni. Hún hefur verið viðloðandi yngri landslið Kína," sagði Jón Stefán Jónsson, fyrrum þjálfari Þórs/KA og Tindastóls í Heimavellinum.

„Hún raðaði inn mörkum fyrir austan í Lengjudeildinni og var frábær þar. Getur hún skorað í Bestu deildinni?" spurði Mist Rúnarsdóttir.

„Það fóru sögur af því að hún væri á leið til PSV Eindhoven í Hollandi. Ég verð illa svikinn ef hún getur ekki skorað í Bestu deildinni."

Keflavík hafnaði í áttunda sæti Bestu deildarinnar á síðasta ári með 16 stig, en liðið var í því sæti í ótímabæru spánni sem var opinberuð í síðustu viku. Hægt er að skoða spánna í heild sinni með því að smella hérna.



Athugasemdir
banner
banner
banner
banner