Þessi 27 ára gamli sóknarmaður var heitasti bitinn á markaðnum árið 2015 eftir frábært tímabil með PSV Eindhoven þar sem hann varð hollenskur meistari.

Manchester United keypti hann og var honum ætlað stórt hlutverk en honum tókst aldrei að uppfylla þær kröfur sem gerðar voru til hans og var hann á endanum seldur til Lyon eftir eitt og hálft tímabil.

Hann fann sig hjá Lyon og hefur verið leiðtoginn í liðinu. Depay var nálægt því að ganga til liðs við Barcelona í janúar en það gekk þó ekki eftir.

Nú er hann klár í að kveðja Lyon og segist hann á förum í viðtali sem birtist í L'Equipe á morgun.

Samkvæmt Fabrizio Romano þá er Depay á leið til Barcelona og mun hann gera samning við félagið til næstu fjögurra ára.