KA mætir Val í toppbaráttuslag í Pepsi Max-deild karla í dag. Valur er í toppsæti deildarinnar fyrir leikinn en KA er í 3. sætinu. KA á tvo leiki til góða á Val.
Leikur liðanna fer fram á Dalvíkurvelli þar sem Greifavöllur, heimavöllur KA, er ekki tilbúinn. KA menn vonast til að Greifavöllur verði klár í næsta heimaleik sem fram fer eftir tvær vikur.
Leikur liðanna fer fram á Dalvíkurvelli þar sem Greifavöllur, heimavöllur KA, er ekki tilbúinn. KA menn vonast til að Greifavöllur verði klár í næsta heimaleik sem fram fer eftir tvær vikur.
Þetta er annar toppslagurinn sem KA leikur á Dalvíkurvelli í sumar því í maí mætti liðið liði Víkings í 5. umferð. Sá leikur endaði með 0-1 útisigri Víkinga og var frammistaða KA ekki góð í þeim leik.
Hallgrímur Mar Steingrímsson ræddi við frétaritara Fótbolta.net á föstudag og var hann spurður út í leikinn sem fram fer klukkan 16:00 í dag.
„Ég er mjög spenntur, þetta er toppslagur og það er alltaf gaman að spila við bestu liðin. Það ættu að vera toppaðstæður á Dalvík og þetta verður flottur fótboltaleikur. Ég get ekki beðið," sagði Grímsi á föstudag.
Lærðuð þið eitthvað af frammistöðunni gegn Víkingi, síðasta toppslag á Dalvíkurvelli?
„Já, við mættum ekki alveg nógu góðir í þann leik. Það var allavega upplifunin þegar maður var að spila leikinn. Við mætum öðruvísi liði núna og aðrar áherslur í okkar leik. Við tókum sigra eftir Víkingsleikinn og því hafði því ekki of mikil áhrif á okkur. Við vonandi náum að skapa okkur eitthvað meira í dag en við gerðum í þeim leik," sagði Grímsi.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir