Lestu um leikinn: Fjölnir 2 -  2 Víkingur R.

Víkingar lentu undir í fyrri hálfeik en kom sterkt til baka i þann síðari og náði forrystu.

„Við lendum undir, jöfnum og komumst yfir sem var bara frábært framlag á þeim tímapunkti en það er grátlegt að geta ekki fylgt því eftir.“

Staða liðanna er óbreytt innbyrðis eftir leikinn og gerði stigið því lítið fyrir liðin og erfitt verkefni framundan.

„Það er virkilega erfitt framundan það er alveg ljóst, við lékum ágætlega í seinni hálfleik á móti Grindavík og lékum vel fyrir utan föst leikatriði á móti Breiðablik og við náum aðeins að fylgja þessu eftir í dag. Sérstaklega eftir að við lentum undir sem var svona fyrir klaufagang en þetta var erfiður leikur gegn góðum mótherjum.“

Töluverður hiti var í leiknum og bæði lið að vissu marki ósátt við störf dómarans. Hvað vildi Logi segja um það?

„Þetta var bara jafnt á báða bóga ef það voru einhver mistök en mér fannst skrýtið að fjórði dómari skyldi vera dæma vítaspyrnu þar sem dómarinn stendur miklu nær og hann stendur á hliðarlínunni og dæmir víti, mér finnst það svolítið einkennilegt.“

Sagði Logi Ólafsson þjálfari Víkinga en nánar er rætt við hann í sjónvarpinu hér að ofan.