Hollenski miðjumaðurinn Ryan Gravenberch var rétt í þessu að koma Liverpool yfir í grannaslagnum gegn Everton á Anfield, en það var annað mark hans á tímabilinu.
Gravenberch hefur verið óaðfinnanlegur í byrjun leiktíðar. Hann var að vísu í leikbanni í fyrstu umferðinni, en kom inn í byrjunarliðið gegn Newcastle og skoraði þá sitt fyrsta mark á tímabilinu.
Arne Slot notaði hann sem varnarsinnaðan miðjumann á fyrsta tímabili sínu og blómstraði hann í því hlutverki. Hann hefur haldið uppteknum hætti á þessari leiktíð og verið Liverpool mikilvægur í bæði vörn og sókn.
Hollendingurinn skoraði annað deildarmark sitt og sitt fyrsta í Bítlaborgarslagnum. Mohamed Salah kom með hnitmiðaða sendingu inn á teiginn sem Gravenberch lyfti skemmtilega yfir Jordan Pickford í markinu.
Markið má sjá hér fyrir neðan.
???????????????????????????????? GRAVENBERCH OPENS THE SCORING FOR LIVERPOOL!
— Tekkers Foot (@tekkersfoot) September 20, 2025
Liverpool 1-0 Everton.pic.twitter.com/pmchWTJAjH
Athugasemdir
