Newcastle tapaði naumlega 2-1 gegn Barcelona á St. James' Park í fyrstu umferð deildarkeppni Meistaradeildarinnar í gær.
„Þetta var erfiður leikur gegn toppliði. Við áttum betri færi en þeir héldu boltanum. Þeir gerðu okkur mjög erfitt fyrir að pressa eins og við viljum og þeir stjórnuðu leiknum þannig. Þeir héldur boltanum vel, Pedri og De Jong voru stórkostlegir," sagði Anthony Gordon, leikmaður Newcastle, eftir leikinn.
Marcus Rashford skoraði tvennu fyrir Barcelona en Gordon minnkaði muninn fyrir Newcastle.
„Rashford skoraði tvö mörk upp úr engu. Við verðum að gera slíkt hið sama og nýta tækifærin þegar þau gefast. 2-0 undir gegn Barcelona er brekka, við náðum í mark sem segir margt um hugarfarið."
Athugasemdir
