Sigurður Pétur Stefánsson.
Kormákur/Hvöt mætir grönnum sínum í Tindastóli annað kvöld í undanúrslitum Fótbolti.net bikarsins á Sauðárkróki. Sigurliðið tryggir sér farseðil á Laugardalsvöll í úrslitaleik.
Fótbolti.net ræddi við Sigurð Pétur Stefánsson fyrirliða Kormáks/Hvatar fyrir undanúrslitaleikinn.
Fótbolti.net ræddi við Sigurð Pétur Stefánsson fyrirliða Kormáks/Hvatar fyrir undanúrslitaleikinn.
„Þetta er klárlega stærsti leikur tímabilsins fyrir bæði lið, og sá leikur sem maður vonaðist eftir að fá í Fótbolti.net bikarnum,“ segir Sigurður.
Kormákur/Hvöt endaði í fjórða sæti í 2. deild en Tindastóll endaði einnig í fjórða sæti en í 3. deild. Sigurður býst við erfiðum leik á Sauðarkróksvelli.
„Við komum bara inn í þetta eins og hvern annan leik. Þeir hafa unnið 5 leiki í röð, og er því óhætt að segja að við þurfum að spila vel til að ná sigri.“
Leikurinn fer fram annað kvöld og má búast við mikilli stemningu á Króknum.
„Það verður örugglega mikil stemning og jafnvel einhver hiti, bæði inn á vellinum og í stúkunni. Vonandi verður sá hiti innan eðlilegra marka, sem myndi þá bara gera leikinn skemmtilegri.“
Athugasemdir
