Ungstirnið Rio Ngumoha varð yngsti leikmaður í sögu Liverpool til að spila í Evrópukeppni er hann kom inn af bekknum í 3-2 sigri liðsins á Atlético Madríd í Meistaradeildinni í kvöld.
Ngumoha, sem varð 17 ára í síðasta mánuði, hefur verið að fá mínútur með aðalliðinu á tímabilinu og nýtt þær vel.
Hann kom inn af bekknum gegn Newcastle United í 2. umferð ensku úrvalsdeildarinnar og skoraði sigurmarkið með glæsilegri afgreiðslu í uppbótartíma.
Englendingurinn hefur komið með nýjan og ferskan blæ inn í lið Liverpool og heldur áfram að fá traustið frá Arne Slot.
Ngumoha kom inn hjá Liverpool undir lok leiks gegn Atlético og varð þar með yngsti leikmaður félagsins til að spila í Evrópukeppni. Hann er nákvæmlega 17 ára og 19 daga gamall, en hann tók metið af Trey Nyoni sem var 17 ára og 213 daga gamall þegar hann kom inn á gegn PSV á síðustu leiktíð.
At 17 years and 19 days old, Rio Ngumoha is now the youngest ever player to feature for Liverpool in European competition ? pic.twitter.com/Al6HkC4hl1
— Premier League (@premierleague) September 17, 2025
Athugasemdir
