---

laugardagur 20. september
16:05 Vestri-ÍA (Kerecisvöllurinn)

Bikarmeistararnir hafa aðeins náð í eitt stig úr fjórum síðustu leikjum og umræða um bikarþynnku hefur verið vinsæl. Davíð Smári þjálfari liðsins gagnrýndi sína menn eftir 4-1 tap gegn KA í síðustu umferð og sagði þá hafa gleymt fyrir hvað Vestri stendur. Fyrir bikarsigurinn hafði Vestri mest fengið á sig tvö mörk í sama leiknum en eftir hann hefur liðið tapað tveimur leikjum 4-1. Vestramenn þurfa að ræsa sig í gang aftur ef þeir ætla ekki að sogast í verulega fallhættu.

   14.09.2025 18:20

Davíð Smári: Ósáttur með að við skulum gleyma fyrir hvað við stöndum

Sparkspekingar höfðu dæmt Skagamenn dauða og grafna en með tveimur sigurleikjum í röð hefur kviknað von á Akranesi. Skyndilega er liðið komið upp úr neðsta sætinu og leikmenn fara á koddann utan fallsvæðisins ef sigur vinnst á Ísafirði.

   18.09.25 12:57

Rúnar Már: Býst ekki við að festast þarna

Fyrri leikir á tímabilinu: ÍA 0-2 Vestri, Vestri 0-2 ÍA.
Stuðlar Epic: Vestri 2,25 - Jafntefli 3,75 - ÍA 3,05.
Leikmaður til að fylgjast með: Ómar Björn Stefánsson er heitur hjá Skaganum með þrjú mörk í tveimur síðustu leikjum.
Mikið mun mæða á: Fatai Gbadamosi varnartengiliður Vestra var í banni gegn KA og var sárt saknað.

---

sunnudagur 21. september
16:00 ÍBV-Afturelding (Hásteinsvöllur)

Eyjamenn voru hársbreidd frá því að koma sér í efri hlutann og eru vafalítið mjög svekktir yfir því að hafa á endanum ekki náð yfir punktalínuna. Engu að síður hefur tímabilið verið afbragðsfínt hjá ÍBV liðinu sem var neðst í öllum spám fyrir mótið. Eyjamenn elska nýja gervigrasið sitt á Hásteinsvelli þar sem þeir hafa unnið alla leiki, fyrir utan einn sem endaði með jafntefli gegn toppliði Víkings.

   15.09.2025 21:56

Láki: Þetta réðst ekki hér

Eftir að hafa verið á góðu róli fyrri hluta mót hefur Afturelding ekki unnið síðan 23. júní en sá leikur var einmitt gegn ÍBV í Vestmannaeyjum. Liðið hafði krækt í 17 af 22 stigum sínum þegar tólf umferðir voru búnar af mótinu. Eftir tap í fallslagnum gegn ÍA í síðustu umferð er Afturelding í neðsta sæti deildarinnar og virðist hafa tapað trú og sjálfstrausti. Skyndilega eru menn orðnir litlir í sér og verða nauðsynlega að finna aftur það sem einkenndi þá fyrri hluta mótsins.

   18.09.2025 16:12

Mosfellingar tilbúnir í fimm stríð - „Okkur hefur vantað smá 'Bad boy element'“

Fyrri leikir á tímabilinu: Afturelding 0-0 ÍBV, ÍBV 1-2 Afturelding.
Stuðlar Epic: ÍBV 1,91 - Jafntefli 4,00 - Afturelding 3,80
Leikmaður til að fylgjast með: Alex Freyr Hilmarsson er umferðarstjórinn á miðju Eyjamanna.
Mikið mun mæða á: Jökull Andrésson þarf að spila betur í marki Aftureldingar. Getur mun meira en hann hefur sýnt.

---

sunnudagur 21. september
16:15 KA-KR (Greifavöllurinn)

Akureyringar eru svekktir yfir því að hafa ekki náð í efri hlutann en annað tímabilið í röð var slæm byrjun á sumrinu að leika þá grátt. Þrátt fyrir aðeins eitt tap í síðustu sjö leikjum þá náði KA ekki efri hlutanum. Varnarmennirnir Birgir Baldvinsson og Ívar Örn Árnason fyrirliði verða í banni hjá KA.

   16.09.2025 15:02

Einungis eitt tap frá komu Birnis og sá besti blómstrar - „Myndi elska að hafa hann áfram"

Sigursælasta lið landsins er í bullandi fallhættu og allra augu munu beinast að Akureyri á sunnudaginn enda er KR lið sem allir fylgjast með og hafa skoðun á. Óskar Hrafn Þorvaldsson virkaði sleginn eftir 0-7 tapið gegn Víkingi í síðustu umferð og KR gæti verið komið í fallsæti á sunnudaginn. Formaður KR segir engar líkur á þjálfarabreytingu og þó fall í Lengjudeildina yrði niðurstaðan þá yrði Óskar áfram.

   14.09.2025 19:11

Óskar Hrafn hugar að breytingum: Egó þjálfarans getur ekki verið að þvælast fyrir árangri liðsins

Fyrri leikir á tímabilinu: KA 2-2 KR, KR 1-2 KA.
Stuðlar Epic: KA 1,90 - Jafntefli 4,33 - KR 3,60
Leikmaður til að fylgjast með: Hallgrímur Mar Steingrímsson, að vanda!
Mikið mun mæða á: Miðvörðurinn Finnur Tómas Pálmason hefur átt erfitt tímabil en þarf að stíga upp. Júlíus Mar Júlíusson félagi hans tekur út bann í þessum leik.

   15.09.2025 11:43

Formaður KR: Engar líkur á þjálfarabreytingu hjá KR