Það er hörku spennandi lokaumferð í ensku úrvalsdeildinni á morgun. Bæði á toppnum sem og á botninum.
Manchester City og Liverpool berjast um englandsmeistaratitilinn en Liverpool þarf að vinna Wolves og treysta á að Aston Villa taki stig af City til að eiga möguleika á titlinum.
Steven Gerrard er stjóri Villa en félagið gekk frá kaupum á Philippe Coutinho á dögunum en hann er á láni frá Barcelona. Þeir voru samherjar hjá Liverpool á sínum tíma.
Coutinho var í viðtali í dag þar sem hann var spurður hvort hann ætli að reyna hjálpa Liverpool á morgun.
„Ég er bara að spá í nýja félaginu mínu. Ég vil spila vel hjá þeim. Ég hef fengið mörg skilaboð frá Liverpool stuðningsmönnum á samfélagsmiðlum en ég skoða það ekki mikið. Ég er aðeins að einbeita mér að okkar leik," sagði Coutinho.
