Xabi Alonso og lærisveinar hans í Bayer Leverkusen unnu 3-2 sigur á Borussia Monchengladbach í þýsku deildinni í dag.

Leverkusen komst yfir á 21. mínútu. Tékkneski framherjinn Adam Hlozek átti skot sem hafnaði í stöng og var Mitchel Bakker fyrstur að átta sig í teignum og kom boltanum í markið.

Amine Adli bætti við öðru undir lok fyrri hálfleiks áður en Nadiem Amiri gerði þriðja mark Leverkusen um miðjan síðari hálfleikinn.

Gladbach reyndi að koma sér aftur inn í leikinn. Lars Stindl skoraði tvö mörk á síðustu mínútunum en lengra komust heimamenn ekki og lokatölur 3-2 Leverkusen í vil. Leverkusen er í 9. sæti með 21 stig en Gladbach sæti ofar með 22 stig.