Ed Woodward, varaformaður Manchester United, tilkynnti í vikunni að hann myndi yfirgefa félagið í lok árs eftir rúmlega 15 ár hjá félaginu. Woodward kom inn í félagið þegar Glazer fjölskyldan tók yfir 2005.
BBC greinir frá því að Woodward hafi ákveðið að hætta hjá Man Utd útaf Ofurdeildinni. Woodward tók þessa ákvörðun í vetur þar sem hann vildi ekki sjá Rauðu djöflana taka þátt í keppninni.
Brottför Woodward átti ekki að tilkynna fyrr en áform um Ofurdeildina yrðu gerð opinber. Áformin voru loks gerð opinber á dögunum eftir að upplýsingunum var lekið í fjölmiðla. Hugmyndin um Ofurdeild virðist vera steindauð í dag þar sem níu af tólf stofnfélögunum hafa dregið sig til baka.
Woodward hefur verið mikilvægur í stjórnunarteymi Man Utd undanfarinn áratug en hann er þó ekki sérlega dáður af stórum hluta stuðningsmanna.
Sjá einnig:
Woodward stígur frá undir loks árs (Staðfest)
Athugasemdir
