Arnþór Ari Atlason skoraði í gærkvöldi skrítnasta mark sumarsins þegar hann jafnaði leik HK og Vals í 1-1. Frederik Schram, markvörður Vals, var að hreinsa boltann í burtu en fyrir hann fór sú tilraun það illa að boltinn endaði beint á höfðinu á Arnþóri Ara sem náði einhvern veignn að stýra boltanum í netið
Lestu um leikinn: HK 1 - 2 Valur
Arnþór ræddi við mbl.is eftir leikinn og var spurður út í markið.
„Ég mun sennilega aldrei gera það aftur (að skora með skalla af 20 metra færi). Ég stýrði honum þokkalega. Ég var að reyna að vera fyrir og fá hann í mig en ég var með sterkan haus og háls og náði að stýra boltanum inn," sagði Arnþór við mbl.is.
Þetta var þriðja mark Arnþórs í sumar, hefur skorað mörkin þrjú í síðustu þremur leikjum. Valur náði að komast aftur yfir fyrir leikslok og urðu lokatölur í gær 1-2 fyrir gestina í Kórnum.
Haukur Páll Sigurðsson, aðstoðarþjálfari Vals, var spurður út í markið í viðtali eftir leik og má heyra hans svör í spilaranum neðst. Þá var umferðin í heild gerð upp í Innkastinu og var að sjálfsögðu rætt um mark Arnþórs í þættinum. Þáttinn má nálgast hér að neðan.
Arnþór Ari skoraði vægast sagt áhugavert mark gegn Val???? #bestadeildin pic.twitter.com/guKS89hQgB
— Besta deildin (@bestadeildin) May 22, 2024
Athugasemdir