Berglind Björg Þorvaldsdóttir, sóknarmaður Breiðabliks í Pepsi Max-deild kvenna, mun missa af næsta leik liðsins vegna meiðsla. Það er Morgunblaðið sem segir frá þessu.
Hún meiddist í seinni vináttulandsleik Íslands gegn Finnlandi ytra síðastliðinn mánudag. Ísland vann leikinn 2-0 og var Berglind í byrjunarliðinu. Hún fór út af stuttu fyrir leikhlé.
Meiðslin sem eru að hrjá Berglindi eru í mjöðm, en ekki er ljóst hversu alvarleg þau eru. Að minnsta kosti er það ljóst að hún spilar ekki næsta leik gegn HK/Víkingi á mánudag.
Breiðablik er ríkjandi Íslands- og bikarmeistari kvenna. Liðið er með fullt hús stiga eftir sex leiki í Pepsi Max-deildinni, eins og Valur. Breiðablik og Valur mætast 3. júlí næstkomandi. Blikar munu vona að Berglind verði klár í slaginn þá.
Berglind er með fjögur mörk í sex leikjum í Pepsi Max-deildinni í sumar. Í fyrra skoraði hún 19 mörk í 18 leikjum í deildinni.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir