CSKA Moskva vann 4. sigurinn í röð í rússnesku deildinni er liðið vann Krasnodar 3-2 í dag.

Arnór Sigurðsson sneri aftur eftir meiðsli og var mættur í byrjunarlið CSKA á meðan Hörður Björgvin Magnússon tók út leikbann. Arnór fór af velli á 64. mínútu og þá spilaði Jón Guðni Fjóluson allan leikinn í vörn Krasnodar.

Króatíski sóknartengiliðurinn Nikola Vlasic var með mikla yfirburði í leiknum en hann skoraði á 32. mínútu úr vítaspyrnu áður en rússneski framherjinn Fedor Chalov bætti við öður eftir stoðsendingu frá Vlasic.

Vlasic skoraði svo þriðja markið á 41. mínútu áður en flautað var til loka fyrri hálfleiks. Sænski framherjinn Marcus Berg gerði tvö mörk á þremur mínútum fyrir Krasnodar en lengra komst liðið ekki og 3-2 sigur CSKA staðreynd.

CSKA fer upp fyrir Krasnodar í 2. sæti með 22 stig, stigi á eftir Zenit.