Everton er búið að reka Frank Lampard úr starfi og er nú í stjóraleit.
Liðið er í næstneðsta sæti, tveimur stigum frá öruggu sæti þegar liðið á átján leiki eftir á tímabilinu.
Liðið er í næstneðsta sæti, tveimur stigum frá öruggu sæti þegar liðið á átján leiki eftir á tímabilinu.
Sá líklegasti til að taka við stjórastöðunni samkvæmt veðbönkum er Sean Dyche sem síðast stýrði Burnley. Dyche var látinn frá Burnley undir lok síðasta tímabils þegar fall blasti við liðinu, sem svo varð niðurstaðan.
Duncan Ferguson er næstlíklegastur og næstir á honum eru svo þeir Marcelo Bielsa, Wayne Rooney, Davied Moyes og Nuno Espirito Santo.
Daily Mail segir að Marcelo Bielsa, fyrrum stjóri Leeds, sé efstur á óskalista hæstráðenda hjá Everton í stjóraleitinni en eigandinn Farhad Moshiri tilkynnti Lampard með símtali í dag að ákveðið hefði verið að reka hann.
Bielsea er fyrrum stjóri Leeds og stýrði áður landsliðum Síle og Argentínu.
Duncan Ferguson hefur tvívegis stýrt liðinu til bráðabirgða. Hann er fyrrum leikmaður Everton.
Rooney er fyrrum leikmaður Everton og nú stjóri DC United í Bandaríkjunum.
Snýr Moyes aftur á Goodison Park? Hann stýrir í dag West Ham, sem einmitt vann Everton um helgina.
Nuno tók við Al Hittitad í fyrra. Hann er fyrrum stjóri Wolves og Tottenham.
Athugasemdir
