Empoli vann 1-0 sigur á Milan á Giuseppe Meazza-leikvanginum í Mílanó í Seríu A í kvöld.

Það er ágætis seigla á Empoli þessa dagana en liðið hefur unnið tvo og gert tvö jafntefli í síðustu fjórum leikjum og kom síðasta tap liðsins í byrjun nóvember.

Það hjálpaði ekki Inter er varnarmaðurinn Milan Skriniar fékk sitt annað gula spjald og þar með rautt fimm mínútum fyrir lok fyrri hálfleiks.

Empoli nýtti sér liðsmuninn og gerði sigurmarkið í gegnum Tommaso Baldanzi á 66. mínútu. Nedim Bajrami átti góða sendingu inn á Baldanzi sem skoraði með góðu skoti.

Inter fékk fjölmörg tækifæri til að jafna leikinn og átti Stefan de Vrij meðal annars skalla í slá áður en Robin Gosens klúðraði dauðafæri.

Lokatölur í Mílanó, 1-0, Empoli í vil. Inter er í 3. sæti með 37 stig en Empoli í 9. sæti með 25 stig.