Þórður Gunnar Hafþórsson, kantmaður Vestra, er líklega á leið í Fylki samkvæmt heimildum Fótbolta.net.
Samúel Samúelsson, formaður Vestra, vildi ekki tjá sig um málið í samtali við Fótbolta.net í dag en staðfesti þó að félög í Pepsi Max-deildinni hafi sýnt Þórði áhuga.
Hinn 18 ára gamli Þórður Gunnar spilaði alla leiki Vestra í 2. deildinni í sumar og skoraði fimm mörk.
Þórður hjálpaði Vestra upp úr 2. deildinni en hann var valinn efnilegasti leikmaður deildarinnar í vali fyrirliða og þjálfara.
Þórður var einungis 15 ára þegar hann spilaði fyrst með meistaraflokki Vestra sumarið 2016.
Síðan þá hefur Þórður skorað ellefu mörk í 66 leikjum í deild og bikar.
Athugasemdir