Kimmich óbólusettur: Mikilvægt að hafa val
Mynd: Getty Images
Mynd: Getty Images
Joshua Kimmich, fjölhæfur leikmaður FC Bayern og þýska landsliðsins, er einn þeirra sem eru enn óbólusettir gegn Covid-19 veirunni.
Það hefur verið mikil bólusetningarherferð innan knattspyrnuheimsins en Kimmich telur mikilvægt að knattspyrnumenn hafi val og geti kosið að fara frekar í skimun á nokkurra daga fresti.
„Af hverju? Vegna þess að það er ekki hægt að rannsaka langtímaáhrifin. Ég átta mig vissulega á minni ábyrgð enda fylgi ég öllum sóttvarnarreglum og fer í skimun á tveggja til þriggja daga fresti. Allir ættu að eiga rétt til að taka sína eigin ákvörðun," sagði Kimmich þegar hann var spurður út í málið.
Dietmar Hamann, fyrrum landsliðsmaður þýska landsliðsins og leikmaður Bayern sem starfar fyrir Sky í Þýskalandi, bendir þó á vandamál sem hann sér við þessa ákvörðun Kimmich.
„Vandinn er að óbólusettur einstaklingur er líklegri til að koma með veiruna inn í leikmannahópinn og það getur verið vandamál fyrir knattspyrnufélagið. Ef óbólusettur leikmaður greinist með veiruna þá er hann líklegri til að smita frá sér og gæti hálft liðið endað í sóttkví útaf honum," segir Hamann.
„Þá verða áhorfendur að sýna bólusetningar- eða mótefnavottorð til að komast inn á langflesta velli í deildinni. Sú staða gæti komið upp þar sem einu 20 óbólusettu manneskjurnar á vellinum eru leikmennirnir.
„Knattspyrnuheimurinn tapar trúðverðugleika með þessu, það er fáránlegt að áhorfendur verði að vera bólusettir en ekki leikmenn."
„Af hverju? Vegna þess að það er ekki hægt að rannsaka langtímaáhrifin. Ég átta mig vissulega á minni ábyrgð enda fylgi ég öllum sóttvarnarreglum og fer í skimun á tveggja til þriggja daga fresti. Allir ættu að eiga rétt til að taka sína eigin ákvörðun," sagði Kimmich þegar hann var spurður út í málið.
Dietmar Hamann, fyrrum landsliðsmaður þýska landsliðsins og leikmaður Bayern sem starfar fyrir Sky í Þýskalandi, bendir þó á vandamál sem hann sér við þessa ákvörðun Kimmich.
„Vandinn er að óbólusettur einstaklingur er líklegri til að koma með veiruna inn í leikmannahópinn og það getur verið vandamál fyrir knattspyrnufélagið. Ef óbólusettur leikmaður greinist með veiruna þá er hann líklegri til að smita frá sér og gæti hálft liðið endað í sóttkví útaf honum," segir Hamann.
„Þá verða áhorfendur að sýna bólusetningar- eða mótefnavottorð til að komast inn á langflesta velli í deildinni. Sú staða gæti komið upp þar sem einu 20 óbólusettu manneskjurnar á vellinum eru leikmennirnir.
„Knattspyrnuheimurinn tapar trúðverðugleika með þessu, það er fáránlegt að áhorfendur verði að vera bólusettir en ekki leikmenn."
