Moshiri
Breski miðillinn The Guardian greinir frá því í kvöld að Farhad Moshiri eigandi Everton sé tilbúinn að selja félagið.
Það hefur gengið afar illa hjá liðinu undanfarin ár en liðið var hársbreidd frá því að falla á síðustu leiktíð. Þá var Frank Lampard látinn fara í gær þar sem Everton situr á botni deildarinnar.
Moshiri keypti meirihluta í félaginu árið 2016 og stuðningsmenn liðsins hafa verið mjög ósáttir við stjórn félagsins undanfarið.
Stjórnarmönnum liðsins var meinað að mæta á síðasta heimaleik liðsins þar sem þeir voru taldir í mikilli hættu.
Moshiri setur 500 milljón punda verðmiða á félagið.
Athugasemdir
