Fótboltaliðið Darvel leikur í sjöttu efstu deild skoska fótboltans en afrekaði það í gær að slá úrvalsdeildarlið Aberdeen úr leik í skoska bikarnum.
Talað er um óvæntustu úrslit í 149 ára sögu skosku bikarkeppninnar.
Talað er um óvæntustu úrslit í 149 ára sögu skosku bikarkeppninnar.
Mark Jordan Kirkpatrick á 19. mínútu skildu liðin að og Darvel mun mæta Falkirk í 16-liða úrslitum. Markvörður Darvel, Chris Truesdale, varði eins og berserkur í leiknum í gær en 3.500 áhorfendur fylgdust spenntir með.
Þessi niðurlæging Aberdeen var sjöunda tap liðsins í níu leikjum og setur aukna pressu á stjóra liðsins, Jim Goodwin.
„Ég vil ekki ræða um það hversu slæm frammistaða míns liðs var, ég vil hrósa Darvel," sagði Goodwin eftir leikinn.
???? OH WHAT A NIGHT! pic.twitter.com/KBkE49nrZZ
— Darvel FC (@darvelfc) January 24, 2023
Athugasemdir