Spánn: Vinicius fékk standandi lófaklapp á Bernabeu

Brasilíski sóknarmaðurinn Vinicius Jr var ekki með Madrídingum í dag og tók sér sæti í stúkunni en hann fékk standandi lófaklapp á leikvanginum.

Vinicius varð enn og aftur fyrir kynþáttaníði í síðasta leik Real Madrid gegn Valencia. Hann var rekinn af velli í leiknum en myndbönd sýndu að það voru andstæðingarnir sem áttu skilið refsingu.

Rauða spjaldið hefur verið dregið til baka og VAR-dómarinn rekinn en Vinicius kallar eftir breytingum þegar það kemur að rasisma og standa stuðningsmenn Real Madrid þétt við bakið á honum og sýndu það í verki á leikvanginum í dag.

Real Madrid vann þá leikinn gegn Vallecano, 2-1. Karim Benzema skoraði á 31. mínútu en þegar sex mínútur voru eftir jafnaði Raul de Tomas fyrir Vallecano.

Undir lok leiks gerði Rodrygo Goes sigurmarkið og skaut Madrídingum upp í annað sætið. Elche og Sevilla gerðu þá 1-1 jafntefli á meðan Villarreal vann 2-0 sigur á Cadiz. Nicolas Jackson gerði bæði mörk Villarreal.

Úrslit og markaskorarar:

Elche 1 - 1 Sevilla
0-1 Erik Lamela ('10 )
1-1 Tete Morente ('25 )
Rautt spjald: Pape Alassane Gueye, Sevilla ('18)

Villarreal 2 - 0 Cadiz
1-0 Nicolas Jackson ('20 )
2-0 Nicolas Jackson ('45 )

Real Madrid 2 - 1 Rayo Vallecano
1-0 Karim Benzema ('31 )
1-1 Raul De Tomas ('84 )
2-1 Rodrygo ('89 )