Dharmesh Sheth, mikilsvirtur fréttamaður hjá Sky Sports, greinir frá því að Manchester United sé tilbúið til að selja kantmanninn Jadon Sancho fyrir 40 milljónir punda í sumar.
Paris Saint-Germain er talið vera meðal áhugasamra félaga ásamt Juventus og Dortmund, en síðarnefndu félögin eru ekki tilbúin til að borga svo háa upphæð fyrir leikmanninn og vilja frekar fá hann á lánssamningi með kaupmöguleika.
Man Utd er ekki reiðubúið til að lána Sancho út, þar sem leikmaðurinn gæti leikið stórt hlutverk fyrir Rauðu djöflana í vetur.
Sancho er 24 ára gamall og á tvö ár eftir af samningi sínum við Man Utd.
Athugasemdir
