Cristiano Romero, varnarmaður Tottenham, er allt í öllu hjá liðinu í dag, en á röngum enda vallarins. Hann var rétt í þessu að fá á sig vítaspyrnu og skoraði Bukayo Saka úr henni. Heung-Min Son jafnaði skömmu síðar.
Romero skoraði sjálfsmark í fyrri hálfleiknum og fékk þá á sig víti er hann handlék boltann í teignum eftir vandræðagang.
Ben White reyndi skot sem hæfði höndina á Romero og engin spurning að það væri hrein og klár vítaspyrna, en það sem þótti umdeilt var aðdragandinn.
Þar virtist Gabriel Jesus fleygja James Maddison í grasið áður en White komst í færið, en dómarinn dæmdi vítaspyrnu eftir að hafa skoðað VAR-skjáinn og skoraði Saka úr spyrnunni
Sjáðu vítaspyrnuna og markið
Mínútu síðar jafnaði fyrirliðinn, Heung-Min Son, eftir skelfileg mistök Jorginho, sem var með boltann á miðsvæðinu. Maddison pressaði hann, tók boltann og setti hann á Son sem skoraði af stuttu færi. Staðan er því 2-2 á Emirates.
Jorginho kom inn í hálfleik fyrir Declan Rice.
Sjáðu mistök Jorginho og mark Son
Athugasemdir
