Frank Lampard, stjóri Chelsea, verður líklega rekinn úr starfi í dag samkvæmt frétt The Daily Telegraph. Fleiri enskir miðlar taka undir þessi tíðindi.
Leikmenn Chelsea fengu þau skilaboð í dag að mæta ekki á æfingasvæðið í dag. Telegraph segir að Lampard verði rekinn og að þetta verði líklega tilkynnt síðar í dag.
Chelesa hefur gengið afar illa undanfarnar vikur en liðið hefur tapað fimm af síðustu átta leikjum í ensku úrvalsdeildinni og situr nú í 9. sæti þar.
Þrátt fyrir 3-1 sigur á Luton Town í enska bikarnum í gær þá virðist stjóratíð Lampard vera á enda.
Hinn 42 ára gamli Lampard var sigursæll leikmaður hjá Chelsea en hann er á sínu öðru tímabili sem knattspyrnustjóri. Lampard hafði áður tekið eitt tímabil sem stjóri Derby County.
1.67 - Frank Lampard's points per game average of 1.67 is the 4th lowest of any permanent Chelsea manager in the Premier League, with the 1.35 goals per game conceded under his reign the worst at the club. Door. pic.twitter.com/dlYtzG6l1x
— OptaJoe (@OptaJoe) January 25, 2021
Athugasemdir