Sóknarmiðjumaðurinn fékk í síðasta mánuði grænt ljós á að endurræsa fótboltaferil sinn eftir að hafa farið í hjartastopp í leik með danska landsliðinu á EM alls staðar.

Samkvæmt ítölskum reglum mátti ekki spila með bjargráð í deildinni þar og því komst Inter að samkomulagi um riftun.

„Ég er mjög ánægður með að vera hérna. Ég þekki fólkið hérna og mér líður eins og ég sé kominn heim. Með Jong Ajax get ég æft með liði þar sem gæðin eru mikil. Það er frábær staða fyrir mig, ég vil finna mitt besta aftur og þegar ég er kominn í nýtt lið vil ég leggja mitt af mörkum sem fyrst," segir Eriksen.

Hann hefur sagt að markmið sitt sé að vera í danska landsliðshópnum á HM í Katar.