Árborg endar á toppi riðils 1 í C-deild Lengjubikarsins eftir fjörugt sex marka jafntefli á útivelli gegn KB.
Gústaf Hreinn Kristjánsson setti tvennu fyrir KB í fyrri hálfleik en gestirnir úr Árborg svöruðu fyrir sig og staðan 2-2 í leikhlé.
Sigurður Óli Guðjónsson setti þriðja mark Selfyssinga í síðari hálfleik en Aakash Gurung jafnaði fyrir heimamenn skömmu síðar í Breiðholti og lokatölur 3-3. Árborg endar því með tíu stig eftir 4 umferðir og KB með fjögur stig.
KB 3 - 3 Árborg
1-0 Gústaf Hreinn L Kristjánsson ('22 )
2-0 Gústaf Hreinn L Kristjánsson ('28 )
2-1 Trausti Rafn Björnsson ('31 )
2-2 Aron Freyr Margeirsson ('45 )
2-3 Sigurður Óli Guðjónsson ('60 )
3-3 Aakash Gurung ('65 )
Nágrannar Árborgar í KFR enda á toppi riðils 3 í Lengjubikarnum eftir annað sex marka jafntefli gærkvöldsins. KFR endar með 7 stig eftir þrjár umferðir eftir jafntefli við sameinað botnlið Berserkja og Mídasar, sem endar aðeins með eitt stig.
Rúnar Þorvaldsson kom Rangæingum í tveggja marka forystu í fyrri hálfleik en gestirnir svöruðu fyrir sig og voru komnir með 2-3 forystu í síðari hálfleik.
Tómas Helgi Ágústsson Hafberg varð svo fyrir því óláni að setja boltann í eigið net í uppbótartíma til að bjarga stigi fyrir topplið KFR.
KFR 3 - 3 Berserkir/Mídas
1-0 Rúnar Þorvaldsson ('17 )
2-0 Rúnar Þorvaldsson ('35 )
2-1 Ásgeir Eyþórsson ('39 )
2-2 Steinar Haraldsson ('50 )
2-3 Kolbeinn Tumi Gautason ('62 )
3-3 Tómas Helgi Ágústsson Hafberg ('90 , Sjálfsmark)
Að lokum höfðu Úlfarnir betur á útivelli gegn Skallagrími í riðli 4. Þar gerðu Úlfarnir út um viðureignina í fyrri hálfleik þökk sé tvennu frá Halldóri Bjarka Brynjarssyni.
Steinar Bjarnason skoraði snemma leiks áður en Halldór setti tvennu og leiddu gestirnir því með þremur mörkum í leikhlé.
Skallagrímur vann seinni hálfleikinnn 1-0 en það dugði ekki til og lokatölur urðu 1-3. Úlfarnir enda í öðru sæti, með sjö stig úr fjórum leikjum. Skallagrímur er áfram á botninum, án stiga en á eftir að spila botnslaginn við Hamar.
Skallagrímur 1 - 3 Úlfarnir
0-1 Steinar Bjarnason ('3)
0-2 Halldór Bjarki Brynjarsson ('23)
0-3 Halldór Bjarki Brynjarsson ('32)
1-3 Elvar Þór Guðjónsson ('79)
