„Seinni hálfleikurinn var mjög góður fannst mér, svo fengum við reyndar þetta mark á okkur í byrjun en síðan tókum við svolítið yfir og sýndum góðan karakter í að pressa þá niður og vorum nálægt því að jafna í lokin en það er erfitt 10 á móti 11", sagði Andri Rúnar Bjarnason leikmaður ÍBV eftir svekkjandi 2-1 tap í Mjólkurbikar karla gegn Fylki.
Lestu um leikinn: Fylkir 2 - 1 ÍBV
„Við vorum búnir að grafa okkur í smá holu, vorum einum færri en sýndum smá karakter þarna og sýndum að við getum þetta".
Byrjun ÍBV á Íslandsmótinu hefur ekki verið góð og nú er morgunljóst að þeir geti ekki gert tilkall til sigurs í Mjólkurbikarnum. Leikið var á Wurth vellinum en leikar enduðu með 2-1 sigri Fylkis. Tómas Bent fékk rautt spjald snemma leiks sem breytti gangi leiksins. Eyjamenn gáfust þó ekki upp og voru virkilega góðir í seinni hálfleik og sýndu karakter en það dugði ekki til.
„Við náðum að pressa vel og vorum svolítið hugrakkir varnarlega og vorum að stíga hátt upp og taka smá sénsa og sýndum að það hentar okkur bara vel".
Viðtalið má sjá í heild sinni hér að ofan.
