Egypski miðjumaðurinn Mohamed Elneny hefur skrifað undir nýjan samning við Arsenal. Hann var að verða samningslaus en Arsenal ákvað að framlengja um eitt ár, með möguleika á öðru ári til viðbótar.
Elneny er 29 ára og hefur spilað 147 leiki fyrir félagið síðan hann kom frá Basel í janúar 2016.
Elneny er 29 ára og hefur spilað 147 leiki fyrir félagið síðan hann kom frá Basel í janúar 2016.
„Ég elska þetta félag og er hluti af þessari fjölskyldu. Ég vil halda áfram hjá þessu magnaða félagi og er spenntur fyrir framtíðinni," segir Elneny sem á 93 landsleiki.
Mikel Arteta, stjóri Arsenal, segir að Elneny komi með 'endalausa orku' og ástríðu inn í lið sitt. Hann sé gríðarlega vinsæll í hópnum.
„Hann er mikilvægur fyrir okkur, innan og utan vallar. Hann er fyrirmynd fyrir yngri leikmenn og ég er hæstánægður með að hann verði áfram," segir Arteta.
Arsenal hafnaði í fimmta sæti úrvalsdeildarinnar og mistókst að landa Meistaradeildarsæti. Liðið verður í Evrópudeildinni á næsta tímabili.
Athugasemdir