Afturelding fékk Grindavík í heimsókn fyrr í dag. Leikar enduðu 1-1 í skemmtilegum leik. Afturelding var hættulegra liðið en fóru illa með góð færi. Þjálfari Aftureldingar, Magnús Már kom í viðtal eftir leik.
Lestu um leikinn: Afturelding 1 - 1 Grindavík
„Við fáum vítaspyrnu og fleiri færi, þeir fengu betri færi en mér fannst við fá betri. Mér fannst við líklegri aðilinn til að vinna þetta. Við þurfum að gera betur en hér í dag, þetta er ekki nógu gott hjá okkur. Strákarnir vita það, við vitum það."
„Vantaði meiri hraða í aðgerðir og meiri kraft. Meiri ákveðni í mína menn, þeir eru betri en þeir sýndu hér í dag og ég veit að við munum sýna það í næstu leikjum."
Afturelding leitar enn af sínum fyrsta sigri í Lengjudeildinni eftir fjórar umferðir.
„Hörkuleikir sem við erum búnir að spila. Við lendum í tveimur leikjum manni færri, báðir heimaleikirnir enda 1-1 og við líklegri til að vinna. Þá vantar einhvern herslumun til að ná sigrinum."
Viðtalið má sjá í heild sinni í spilaranum hér að ofan.
Athugasemdir
