Breiðablik á möguleika á því að verja Íslandsmeistaratitilinn er liðið tekur á móti Stjörnunni í fyrstu umferð eftir tvískiptingu Bestu deildar kvenna á Kópavogsvelli í kvöld.
Blikar hafa verið í banastuði stærstan hluta tímabilsins og eru með ellefu stiga forystu á toppnum.
Liðið tekur á móti Stjörnunni klukkan 18:00, en það fylgist væntanlega náið með úrslitum úr leik FH og Vals í Kaplakrika.
Ef FH tapar gegn Val þá getur Breiðablik unnið deildina því að leggja Stjörnuna að velli.
Þróttur og Víkingur eigast einnig við í deildinni, en Þróttarar sitja í 3. sæti með 36 stig á meðan Víkingur er í 5. sæti með 25 stig.
Þór/KA getur farið langleiðina með að fella Tindastól niður í Lengjudeildina er liðin eigast við í neðri hlutanum. Þór/KA er í efsta sæti neðri hlutans með 21 stig, fjórum stigum meira en Tindastóll. Þór/KA bjargar sér formlega frá falli með sigri og því mikið undir í norðanslagnum.
Leikir dagsins:
Besta-deild kvenna - Efri hluti
16:15 FH-Valur (Kaplakrikavöllur)
18:00 Þróttur R.-Víkingur R. (AVIS völlurinn)
18:00 Breiðablik-Stjarnan (Kópavogsvöllur)
Besta-deild kvenna - Neðri hluti
19:15 Þór/KA-Tindastóll (Boginn)
Besta-deild kvenna - Efri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 18 | 16 | 1 | 1 | 77 - 15 | +62 | 49 |
| 2. FH | 18 | 12 | 2 | 4 | 44 - 21 | +23 | 38 |
| 3. Þróttur R. | 18 | 11 | 3 | 4 | 34 - 22 | +12 | 36 |
| 4. Valur | 18 | 8 | 3 | 7 | 30 - 27 | +3 | 27 |
| 5. Víkingur R. | 18 | 8 | 1 | 9 | 40 - 39 | +1 | 25 |
| 6. Stjarnan | 18 | 8 | 1 | 9 | 31 - 36 | -5 | 25 |
Besta-deild kvenna - Neðri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þór/KA | 18 | 7 | 0 | 11 | 31 - 41 | -10 | 21 |
| 2. Fram | 18 | 7 | 0 | 11 | 24 - 43 | -19 | 21 |
| 3. Tindastóll | 18 | 5 | 2 | 11 | 22 - 44 | -22 | 17 |
| 4. FHL | 18 | 1 | 1 | 16 | 11 - 56 | -45 | 4 |
Athugasemdir
