Gunnar Freyr dæmir úrslitaleik Fótbolti.net bikarsins

Á föstudagskvöld klukkan 19:15 mætast Víkingur Ólafsvík og Tindastóll frá Sauðárkróki í úrslitaleik Fótbolti.net bikarsins á hybrid grasi Laugardalsvallar.

Ólafsvíkurliðið er í 2. deild en Tindastóll er í 3. deild.

Þetta er þriðja tímabilið sem þessi skemmtilega keppni, yngsta og sprækasta bikarkeppni landsins, fer fram. Víðir í Garði varð fyrst félaga til að lyfta bikarnum á Laugardalsvelli og í fyrra var það Selfoss sem fagnaði sigri gegn KFA í úrslitaleik.