„Finnst það auðvitað glatað en ég er ekki dómbær á ástæður"

Landsliðsþjálfarinn Þorsteinn Halldórsson var spurður út í mörkin á fréttamannafundi eftir leikinn.

Sjá einnig:
Besti leikur liðsins undir stjórn Steina - „Gríðarlega sterkt"

„Seinna markið var eitthvað sem við vorum búin að leggja upp með, að við þyftum að fá sendingar á bakvið línu á móti þeim, taka hlaupin þegar þær voru svona hátt uppi með liðið og það heppnaðist í þetta skiptið," sagði Steini.

Talandi um sendinguna bakvið línuna, hún var allt í lagi.

„Sendingin var frábær."

Glódís er leikmaður Bayern Munchen í Þýskalandi og hefur leikið stórt hlutverk hjá þessu besta liði Þýskalands. Á dögunum, í stórleikjum sem fóru fram þann 10. og 13. nóvember, var hún þó sett á bekkinn. Báðir leikirnir töpuðust og Glódís kom inn sem varamaður í leiknum á eftir og byrjaði síðasta deildarleik. Fréttaritari spurði Steina aðeins út í þetta.

Hvað finnst þér um að hún hafi verið sett á bekkinn hjá Bayern núna á dögunum?

„Mér finnst það auðvitað glatað en ég er ekki dómbær á ástæður og svoleiðis. Ég veit ekki ástæðurnar og það er eitthvað sem ég kem ekki nálægt. Auðvitað er það ekki það besta en leikmaður getur alveg verið á bekknum í 2-3 leiki og samt sem áður verið frábær í framhaldinu," sagði Steini.