Hinn ungi Bukayo Saka var á skotskónum í kvöld þegar Arsenal lagði Bournemouth að velli í FA bikarnum. Hann kom gestunum yfir með laglegu skoti áður en Eddie Nkeitah tvöfaldaði forystuna. Heimamenn minnkuðu muninn seint í leiknum en nær komust þeir ekki.
Saka var ánægður með sigurinn og tjáði sig aðeins um stjórann, Mikel Arteta og Gabriel Martinelli.
„Arteta er að reyna að endurvekja hugmyndafræðina og spila Arsenal bolta. Við gerðum það vel í fyrri hálfleiknum en ekki næginlega vel í þeim síðari," sagði Saka.
„Ég æfi mikið með Martinelli. Við tölum mikið um það hvernig við getum sólað leikmenn og skorað mörk."
Arsenal mætir Portsmouth á útivelli í næstu umferð.
Athugasemdir
