Þýskaland í dag - Hörkuleikur í Leipzig

RB Leipzig byrjar þar á heimaleik gegn sterku liði Hertha Berlin sem er búið að vinna báða leiki sína eftir pásuna.

Hægt er að búast við hörkuleik. Leipzig getur jafnað Dortmund á stigum í öðru sæti með sigri, en Bayern er með sjö stiga forystu á Dortmund. Hertha getur þá gert tilraun til að blanda sér í Evrópubaráttuna með sigri.

Alfreð Finnbogason og félagar í Augsburg eiga þá heimaleik gegn Samúeli Kára Friðjónssyni og félögum í Paderborn. Alfreð og Samúel eru báðir að glíma við meiðsli og hafa ekki verið með eftir að þýski boltinn fór aftur af stað.

Fortuna Düsseldorf tekur á móti Schalke sem vann síðast deildarleik í janúar á meðan Hoffenheim mætir Köln og Union Berlin fær Mainz í heimsókn.

Viaplay er með sýningarréttinn á þýska boltanum á Íslandi.

Leikir dagsins:
16:30 RB Leipzig - Hertha
18:30 Fortuna Dusseldorf - Schalke 04
18:30 Hoffenheim - Koln
18:30 Union Berlin - Mainz
18:30 Augsburg - Paderborn