Egill Einarsson, einnig þekktur sem Gillz eða Gilzenegger, er harður stuðningsmaður Manchester United og Arons Einars Gunnarssonar, landsliðsfyrirliða.
Aron Einar verður líklega í eldlínunni þegar Cardiff heimsækir Liverpool á Anfield í dag.
Ljóst er að enginn býst við öðru heldur en sigri Liverpool í dag og sýna stuðlar veðbankanna það einna best. Það er ekki af ástæðulausu sem Liverpool er með 23 stig á meðan Cardiff er aðeins með 5.
Egill hefur tröllatrú á Aroni og félögum og ætlar hann að nýta sér þann gífurlega háa stuðul sem veðbankarnir setja á Cardiff.
Hann ákvað að leggja 200 evrur, sem samsvarar rúmlega 27 þúsund krónum, á Cardiff með stuðulinn 31 á móti 1.
Hafi Cardiff betur getur Egill skellt sér í sólarlandaferð með fjölskyldunni, því það myndi rúmlega þrjátíufalda peninginn sem hann lagði undir og gera hann að tæpri milljón króna.
Þá er búið að græja gjaldeyri 💰#FreeCash pic.twitter.com/BLCqAXvcXT
— Egill Einarsson (@EgillGillz) October 26, 2018
Athugasemdir
