Brynjar verður tvítugur á þessu ári og þrátt fyrir ungan aldur á hann að baki yfir 70 leiki með meistaraflokki. Þar að auki hefur hann spilað sex leiki með yngri landsliðum Íslands.

„Það er mikið fagnaðarefni fyrir Blika að fá þennan efnilega markvörð til félagsins. Ljóst er að hann getur lært mikið af þeim öflugu markvörðum sem eru fyrir hjá félaginu," segir á blikar.is.

„Fyrir keppnistímabilið mun Brynjar Atli svo fara á láni til þess að öðlast enn meiri leikreynslu í meistaraflokki."

Hjá Breiðabliki eru Anton Ari Einarsson aðalmarkvörður og Gunnleifur Gunnleifsson varamarkvörður. Því mun Brynjar fara á lán.