Wayne Rooney, stjóri Derby County, hefur beðist afsökunar á myndum af honum sem fóru í dreifingu á samfélagsmiðlum.
Myndir hafa gengið á samfélagsmiðlum undanfarna daga en á þeim er Rooney sofandi og óþekktar konur stilla sér upp við hlið hans. Á einni myndinni sést Rooney kyssa konu, en hann er giftur og með fjögur börn.
Þetta er ekki í fyrsta sinn sem Rooney fer út á lífið og það fer úr böndunum.
Rooney bað fjölskyldu sína og félag sitt opinberlega afsökunar eftir 1-0 sigur á spænska félaginu Real Betis í æfingaleik í kvöld.
„Ég gerði mistök. Ég fór í einkateiti með tveimur vinum mínum. Ég vil biðja fjölskyldu mína og félagið afsökunar á þessum myndum sem eru í dreifingu," sagði Rooney.
Þetta hefur verið erfið vika fyrir Rooney. Í gær var sagt frá því að hann hefði meitt sinn eigin leikmann illa á æfingasvæðinu.
Athugasemdir