Bayern spilaði annan æfingaleik sinn í sumar í dag þegar liðið mætti þýska D-deildarliðinu Duren.
Duren var með 1-0 forystu í hálfleik en hinn 18 ára gamli Nestory Irankunda jafnaði metin fyrir Bayern og þar við sat. Leikmenn á borð við Kim Min-jae, Eric Dier, Mathys Tel, Serge Gnabry og Noussair Mazraoui tóku þátt í leiknum.
Mazraoui hefur verið orðaður í burtu frá félaginu en hann og miðvörðinn Mathijs de Ligt hafa verið orðaðir við Man Utd. De Ligt var ekki í leikmannahópnum í dag.
Bayern varð fyrir áfalli snemma leiks en japanski miðjumaðurinn Hiroki Ito fótbrotnaði og verður væntanlega lengi frá. Þessi 25 ára gamli japanski landsliðsmaður gekk til liðs við félagið frá Stuttgart í sumar.
Ljóst er að Bayern þarf að styrkja miðvarðarstöðuna ef De Ligt fer en Jonathan Tah, miðvörður Leverkusen hefur verið sterklega orðaður við félagið.
